vada
News

८ जनामा कोरोनाविरुद्धको ‘भ्याक्सीन’ सफल भएको अमेरिकी कम्पनीको दाबी

८ जनामा कोरोनाविरुद्धको ‘भ्याक्सीन’ सफल भएको अमेरिकी कम्पनीको दाबी

काठमाडौं । अमेरिकी बायोटेक्नोलोजी कम्पनी मोडर्नाले ‘भ्याक्सिनको सेफ्टी ट्रायलमा भाग लिएका शुरुका ८ व्यक्तिको शरीरमा कोरोनाभाइरस मार्ने एन्टिबडी पाइएको’ दाबी गरेको छ ।

एक अमरिकी कम्पनीको अनुसन्धानमा एउटा भ्याक्सीन कोरोना भाइरससँग लड्नका लागि मानिसहरुको प्रतिरक्षा प्रणाली (इम्युन सिस्टम) लाई प्रशिक्षित गर्न सक्ने संकेत भेटिएको हो ।

साथै, अनुसन्धानमा संलग्न व्यक्तिहरुमा प्रतिरक्षा प्रतिक्रिया वास्तविक रुपमा कोभिड–१९ द्वारा संक्रमित व्यक्तिहरुमा जति थियो त्यति नै भएको पनि बताइएको छ ।

यो औषधि कोरोनाको संक्रमणबाट बच्न कति प्रभावकारी हुन्छ भन्ने जवाफ खोज्न जुलाईमा ठूलो स्तरमा यसको ट्रायल शुरु हुने आशा गरिएको छ ।

कोभिड–१९ लाई रोक्नका लागि विश्वभरी यसको भ्याक्सीनमाथि अभूतपूर्व गतिमा काम भइरहेको छ ।

संसारभरीका लगभग ८० वटा समूहले अहिले कोरोना भाइरसको भ्याक्सीन विकसित गर्नमा काम गरिरहेका छन् ।

श्रोत बीबीसी

Related Articles

Back to top button