vada
News

कोरोना पुष्टि भएको ४ घण्टामै बृद्धको निधन

काठमाडौं । कोरोना पुष्टि भएको चार घण्टामै शुक्रवार एक जनाको निधन भएको छ । शुक्रवार थप एक जनाको कोरोनाका कारण निधन भएसंगै कोरोनाले नै ज्यान गुमाउनेको संख्या नेपालमा ४० पुगेको छ । शुक्रवार सप्तरी राजविराजका ७३ वर्षीय वृद्धको धरानस्थित विपी कोइराला स्वास्थ्य विज्ञान प्रतिष्ठानमा निधन भएको हो ।

विहिबार बेलुका मात्रै कोरोना पोजेटिभ पुष्टि भएको उनको रातीनै उपचारका क्रममा निधन भएको अस्पताल स्रोतले जानकारी दिएको छ । मुटुका विरामी समेत रहेका उनी गत बुधबार अस्पताल भर्ना भएका थिए । स्रोतका अनुसार उनके शव व्यवस्थापन हुन सकेको छैन ।

यो अर्को समाचार, कर्णालीमा १२ नयाँ सङ्क्रमित, १३ डिस्चार्ज
पछिल्लो चौबिस घण्टामा कर्णाली प्रदेशमा १२ जना कोरोना पुष्टि भएको छ । सामाजिक विकास मन्त्रालयको स्वास्थ्य सेवा महाशाखाका अनुसार सुर्खेत, दैलेख, जुम्ला र चौरजहारी प्रयोगशालामा गरिएको पिसिआर परीक्षणका क्रममा १२ जनामा सङ्क्रमण पुष्टि भएको हो । योसँगै कर्णालीमा कोरोना सङ्क्रमितको सङ्ख्या एक हजार ७२६ पुगेको छ । नयाँ पहिचान भएकामा दैलेखका पाँच, जाजरकोट, सल्यानका दुई, दुई, मुगु, सुर्खेत र रुकुम पश्चिमका एक जना रहेका छन् । उनीहरु सबै स्वास्थ्यकर्मीको सम्पर्कमा रहेको मन्त्रालयले जनाएको छ ।

नियमित मिडिया ब्रिफिङका क्रममा मन्त्रालयका स्वास्थ्य सेवा महाशाखा प्रमुख डा लक्ष्मीनारायण तिवारीले पछिल्लो चौबिस घण्टामा १३ जना सङ्क्रमित कोरोना निको भई घर फर्किएको बताउनुभयो । प्रदेश अस्पताल सुर्खेतबाट एक, नारायण आइसोलेसन सेन्टरबाट एक, महाबु आइसोलेसन सेन्टरबाट दुई, बनगाड कुपिन्डे आइसोलेसन सेन्टरबाट नौ जना सङ्क्रमणमुक्त भई घर फर्किएका हुन् । योसँगै प्रदेशमा कोरोना सङ्क्रमणमुक्त भई घर फर्किनेको सङ्ख्या एक हजार ४८८ पुगेको छ ।

हाल कर्णालीमा २३२ जनामात्र कोरोनाका सक्रिय बिरामी छन् । उनीहरुको विभिन्न अस्पताल तथा आइसोलेसन सेन्टरमा उपचार भइरहेको छ । प्रदेशमा हालसम्म कोरोना सङ्क्रमणका कारण छ जनाको निधन भइसकेको छ ।

Related Articles

Back to top button