vada
News

कोरोनाको खतरनाक संकेत: काठमाडौं जान आफै पिसिआर परिक्षण गराएका ५ जनामा कोरोना पुष्टि भएपछि स्वास्थ्यकर्मी चिन्तित

वीरगंज । ब्यक्तिगत रुपमा आफै कोरोनाको परिक्षण गरेकाहरुमा पनि कोरोना पुष्टि भएको छ । लकडाउन खुकुलो भएसंगै काठमाडौं जानका लागि ब्यक्तिगत रुपमा कोरोना परिक्षण गरेकाहरुमा पनि कोरोना पुष्टि भएको हो । सरकारले गरेको लकडाउनका कारण घर गएकाहरु लकडाउन खुकुलो भएसंगै काठमाडौं फर्कदै छन् ।

काठमाडौं फर्कनु अघि ब्यक्तिगत रुपमा पैसा तिरेर पिसिआर परिक्षण गराउने पनि बढेका छन् । नारायणी अस्पतालस्थित पीसीआर ल्याबमा त्यसरी ब्यक्तिगत रुपमा परिक्षण गराएका ५ जनामा कोरोना पुष्टि भएको छ । सो ल्याबमा परिक्षण गराएका मध्य ८ जनामा कोरोना पुष्टि भएको हो । ति मध्य ५ जना ब्यक्तिगत रुपमा आफै तिरेर परिक्षण गराएकामा पुष्टि भएको हो । शनिवार नारायणी अस्पतालमा १ महिला सहित ८ जनामा कोरोना पुष्टि भएको छ ।

ब्यक्तिगत रुपमा कोरोना परिक्षण गराउन आएकाहरुमा कोरोना पुष्टि भएपछि स्वास्थ्यकर्मी र सरोकारवालाहरुका लागि चिन्ताको विषय बनेको छ । समुदायमा रहेकाहरुमा कोरोना देखिएको हो ।

यो अर्को समाचार, कोरोना प्रभावित पत्रकारलाई पत्रकार महासङ्घ युकेको सहयोग
लण्डन । कोरोनाका कारण समस्यामा परेका नेपाली पत्रकारलाई नेपाल पत्रकार महासङ्घद्वारा स्थापित कोषमा महासङ्घ बेलायतले रु २३ लाख सहयोग गर्ने भएको छ । शाखाको शनिबार लण्डनमा जुममार्फत बसेको बैठकले सो निर्णय गरेको हो ।

सहयोग गरिएको रकममध्ये रु २० लाख अक्षयकोषमा राखिने तथा रु तीन लाख कोरोना प्रभावित श्रमजीवी पत्रकारका लागि तत्काल खर्च गरिनेछ । पत्रकार महासङ्घ केन्द्रीय समितिले स्थापना गरेको सो आपत्कालीन कोषमा यसअघि केन्द्रीय समितिले रु ३० लाख जम्मा गरिसकेको छ । केन्द्रीय समितिले सो कोषमा कम्तीमा रु एक करोड जम्मा गर्ने लक्ष्य लिएको छ ।

शाखाले सन् २०१७ मा बेलायतमा च्यारिटी कार्यक्रम गरेर सङ्कलित रकमबाट सो सहयोग गरेको हो । यस्तै बेलायत शाखाका अध्यक्ष नरेश खपाङ्गी मगरको अध्यक्षतामा भएको सो बैठकले बेलायतमा कार्यरत नेपाली पत्रकारलाई प्रोत्साहन गर्नका लागि एक हजार पाउण्ड राशिको ‘एफएनजे युके पत्रकारिता पुरस्कार’ स्थापना गर्ने निर्णय पनि गरेको छ ।

यसैगरी महासङ्घद्वारा आपत्कालीन कोष सञ्चालन निर्देशिका तथा मापदण्ड बनाउन गठित समितिमा शाखाका महासचिव सञ्जयभक्त कँडेललाई पठाउने निर्णय पनि गरिएको छ । बैठकमा महासङ्घका केन्द्रीय अध्यक्ष गोविन्द आचार्यले कोभिड–१९ बाट उत्पन्न समस्याका कारण नेपालमा झण्डै दुई हजार पत्रकारले रोजगारी गुमाएको तथा देशभरि ७५० भन्दा बढी पत्रपत्रिका तथा पाँच एफएम रेडियो स्टेशन बन्द भएको जानकारी दिए । महासङ्घका महासचिव रमेश विष्टले रोजगार गुमाएका पत्रकारलाई मानवीय सहयोग गर्न आपत्कालीन कोष खडा गरिएको बताए ।

Related Articles

Back to top button