vada
News

विदेशी र’क्सी ब्याण्ड गरी, घरेलु र’क्सीलाई ब्राण्ड बनाउनुपर्छ : सांसद राई (भिडियोसहित)

काठमाडौं, ६ साउन : प्रदेश नम्बर १ की सांसद उषाकला राईले घरेलु र’क्सीलाई ब्राण्ड बनाई, विदेशी र’क्सीलाई ब्याण्ड गर्ने कुरा उठाएकी छिन् । उनले पिएनपि खबरसँग अन्तर्वार्ता दिदै घरेलु र’क्सीलाई प्रतिबन्ध लगाउन नहुने बताएकी छिन् ।
भिडियो हेर्नुस्

उनले घरेलु र’क्सीलाई ब्याण्ड नगरी ब्राण्डका स्थमा स्थापित गर्न सरकारको ध्यानाकर्षण गराएकी हुन् । सांसद राईले कोदोको लोकल र’क्सीलाई वैध बनाएर विदेशी र आयातित म’दिरालाई विस्थापित गर्नुपर्ने बताइन् ।

उनले भनिन्, ‘लोकल र’क्सीलाई ब्याण्ड होइन, ब्राण्ड बनाउनुपर्छ ।’ अन्तर्वार्ताको क्रममा आफ्नो धारणा राख्दै सांसद राईले कोदोबाट उत्पादन हुने लोकल र’क्सीलाई व्यवसायीकरण र औधोगिकरण गर्न सके सिंगो देशको आर्थिक संवृद्धिमा टेवा पुग्ने बताइन् ।

लोकल र’क्सीलाई प्रतिबन्ध लगाउने हो भने आयातित विदेशी र’क्सीलाई पनि प्रतिबन्ध लगाउनुपर्ने उनको भनाइ छ । सांसद राईले भनिन्, ‘हामीले लोकल र’क्सीमा ब्याण्ड लगायौं, रातो चन्दनमा लगायौं, गाँजामा लगायौं, आफ्नो बहुआयामिक जडीबुटीमा प्रतिबन्ध लगायौं, अनि विदेशी उत्पादनलाई हायर गर्ने, विदेशी र’क्सी छ्याप-छ्याप्ती बिक्री वितरण गर्ने वातावरण बनायौं । अब विदेशी र’क्सीलाई ब्याण्ड गरौं, नेपाली लोकल र’क्सीलाई ब्राण्ड बनाऔं । अर्थात ब्याण्ड भर्सेज ब्राण्डको नीति अपनाऔं ।’

सांसद राईले केही समयअघि खोटाङमा लोकल र’क्सी नष्ट गर्दा समेत विरोध जनाएकी थिइन् । हाल आदिबासी जनजाति महिलाले आम्दानीको श्रोतको माध्यम बनाएको लोकल र’क्सीलाई वैध उद्योगका रुपमा विकास गर्न सके अन्य जातजातिका समुदायले समेत यसको उद्योग स्थापना गर्ने सांसद राईले बताइन् ।

‘ब्याण्ड गर्ने हो भने सबै खालका र’क्सीलाई ब्याण्ड गरौं । होईन भने लोकल र’क्सीलाई लिगलाइज गरौं, घरेलु उद्योगका रुपमा विकास गर्नमा ध्यान दिऔँ,’ राईले भनिन्, ‘चेयर्स गर्दा लोकल र’क्सीले गर्ने हो, विदेशको र’क्सी ल्याएर चेयर्स गर्ने होईन । हामीले यस्तो कन्सेप्ट लिनु पर्यो ।’

यो भिडियो हेर्नुस् ।

Related Articles

Back to top button